Солтүстік Қазақстан облысының мектепке дейінгі білім беру жүйесінің үздік тәжірибелері «Мектепке дейінгі тәрбие мен оқыту жүйесін дамытудың жаңа бағдары» педагогикалық марафонын жалғастырамыз.

Бүгін, 2022 жылдың 14 қарашасында марафонның үшінші орны - Жамбыл ауданы, Пресновка ауылында «Айнагүл» бөбекжай-балабақша базасында мектепке дейінгі ұйымдардың басшыларына арналған «Педагогтердің кәсіби құзыреттілігін қалыптастырудың тиімді басқару технологиялары» атты облыстық семинар өтті. Сұхбат алаңына облысымыздың 30-дан астам балабақша меңгерушілері қатысты.

Семинар бүгінгі уақыт талаптарына сай, ақпаратты және мазмұнды болды. Семинар қатысушыларға заманауи менеджмент мәселелері бойынша әртүрлі көзқарастармен танысуға мүмкіндік берілді. Семинардың тақырыбы бұрынғыдан да өзекті болды: жаңа формациядағы басқарушылардың негізгі қасиеттері, тиімді ұжымдық өзара іс-қимыл моделі, жұмыста басқарудың тиімді тәсілдерін қолдану.

Семинардың тәжірибелік бөлігі тренингтер, шеберлік сабақтары, презентациялар түрінде ұйымдастырылды, олардың шеңберінде жаңа жағдайларда басшылар жұмысының негізгі аспектілері қозғалды:

- ұжымда жұмыс істеу;

- педагогтерге тиімді әсер ету әдістері;

- ұйымдастыру мен басқарудың принциптері, заңдары мен заңдылықтары;

- бағалау жүйесі;

- кәсіби шаршаудың алдын алу.

Спикерлер педагогтердің кәсіби құзыреттілігін қалыптастыруда сыни тұрғыдан ойлаудың түрлі тәсілдерін ұсынды. Семинар барысында «Әр бала - бір жұлдыз» облыстық жобасын іске асыру аясында педагогтердің жұмысын көрсету мақсатында шолу экскурсиясы ұйымдастырылды. Педагогтер заманауи кеңістіктік-даму ортасын: құпиялылық бұрыштарын, ғарыш аймағын, ежелгі әлем, өрт қауіпсіздігін, таңғажайып тастардың өзгеруін көрсетті.

Семинарға дайындық кезінде кәсібилік танытқан «Айнагүл» б/б барлық ұжымының тату жұмысын атап өткіміз келеді. Жұмыс жемісті, еркін жағдайда өтті, қатысушылар өз әсерлерімен, пікірлерімен бөлісті. Мұндай іс-шаралар диалог пен тәжірибе алмасуға қуатты жаңа серпін береді деп үміттенеміз.