23 қараша күні Қожаберген жырау атындағы №6 орта мектебінде математика, информатика және физика пәні мұғалімдерінің «Ынтымақтастық: функционалды сауаттылықты қалыптастырудың тиімді технологиялары мен әдістері» атты облыстық семинары өтті.

Семинарға жаратылыстану-математикалық бағыттағы 20-дан астам педагог қатысты. Семинар барысында № 6 ОМ мұғалімдері оқушылардың функционалдық сауаттылығын арттырудағы ақпараттық-коммуникативтік технологиялардың рөлі, PISA халықаралық зерттеуі шеңберінде оқушылардың жаратылыстану-математикалық сауаттылығын дамыту жолдары, сондай-ақ ҰБТ-ға дайындық кезінде оқушылардың функционалдық сауаттылығын дамыту әдістері мен тәсілдері бойынша жұмыс тәжірибелерімен бөлісті.

Семинарға қатысушылар интерактивті режимде психологиялық тренингке, роботтарды құрастыруға қатысып, математикалық және жаратылыстану-ғылыми сауаттылықты дамытуға арналған тапсырмаларды орындады . Семинардың құрылымы іс әрекеттік дағыдылар негізінде жұргізілді .

Семинар соңында рефлексия өткізілді.