2023 жылдың 1-2 ақпан күндері Әдістемелік жұмыс және ақпараттық технологиялар орталығының делегациясы Омбы қаласының «Перспектива» шығармашылықты дамыту және гумандық білім беру орталығына іс-сапармен барды. Іс-сапар мақсаты: тиімді іс-тәжірибелермен алмасу, екі мекеме арасындағы білім беру саласындағы ынтымақтастық және педагогтер Ассоцациясы ұйымдарының білім сапасы мониторингінің әдістемелік қолдауын, тәжірибе тарату алаңдарын құру т.б. мәселелер қарастырылды.

Кездесу барысында жастарды ғылыми-техникалық кеңістікке тартатын мектеп квантариумы бар №151 жалпы білім беретін орта мектеп жұмысымен таныстық. Технопарк тәлімгерлерге жиналған іс-тәжірибелерін оқушыларға берумен қатар, оларға туындаған мәселелерді шешуге және кең көлемді ақпараттар алуға мүмкіндіктер береді. Кванториумда соңғы курс студенттерінің көмегімен «Ақылды үй», «Гео-Аэро», «Хайтек», «Аэромодельдеу» бағытындағы сабақтар өтеді. Технопарктік қозғалыс білім мен ғылымды сабақтастыру, білім беру үдерісіне тиімді серпін беруді көздейді.

Алдағы уақытта тығыз қарым-қатынас орнатқан екі өңір арасында білім берудің тиімді тәсілдерін тарату және меңгеру бойынша ынтымақтастықты одан әрі дамыту жоспары іске асырылады.