2023 жылдың 26 желтоқсанында Оқу-ағарту министрлігінің ұйымдастыруымен «1000 мектеп» жобасы аясында менторлерге арналған кезекті семинар өтті. Семинарда «Білім саласындағы әдістемелік жұмыс және ақпараттық технологиялар орталығы» КММ директоры Роза Сәкенқызы Сәркен сөз сөйлеп, Солтүстік Қазақстан облысында «Оқушылардың білімі мен дағдыларын анықтау» (ОБДА) аймақтық білім беру мониторингісін өткізу тәжірибесімен бөлісті.

Бұл жобаның мақсаты – оқушылардың оқу жетістіктерінің мониторингісін енгізу арқылы білім беру ұйымдарының ішкі және сыртқы бағалауы арасындағы алшақтықты азайту. 2023 жылы ОБДА-ға облыс бойынша 55 мектеп қатысты. 2024 жылы қатысушы мектептердің саны 72-ге дейін артады.